سون نفس لر
- سون نفس لر ۱
- جانیم منیم
- فورصت اولمادی سن لن گویو دادماق
- سن لن دولانماق
- سن لن گویلشماق
- یاغماق
- ...
- سن لن
- ایکی همیشه جاوان آغاج اولماق
- یا ن یانا دورماق
- ...
- جانیم منیم
- بو آرزینی سنین ساچین لا منیم گوزومون یاشیلا برابر
- بیر شوشه یه قویوب دنیزه آتمیشام
- کیم بیلیر
- بیر گون تاپارلار اونو
- یارالتارلار بیزی ینی دن
- همان یرده
- گون دوغار کن
- حوکم آوار باغیندا
- ایکی همیشه جاوان یان یانا...
¤ نوشته شده در ساعت ۱٠:٠٢ ق.ظ توسط
|+|
پيام هاي ديگران ()
سهشنبه ۱٦ دی ،۱۳۸٢
قاپی
قاپی !
ايندی ساعات گئجه نين ۳ دور . ايسترديم بير کاغاذدا سنه سوگی لريمی . سوزلريمی و خايال لاريمی يازام . آما دوغروسو اوز ديديگيميز کيمی بو ايش بير آز نظريمه يونگول گلدی و عثمانلی دييشنيده واز گيچديم بو تمنا دان . نه ايسه . ايندی گئجه نين سويوق ساعات اوچی دور. من ياواشجا ساعاتيمی سن ورديگين سويس ساعاتينی آچيب و کنارا قويورام . قار ياغير . سويونورام . من اوشومويهجاغام . گده جاغام . يول گدير من گديره م . اوزاقداکی او آلتين قاپی گورونمکده . او قاپينی آچاجاغام . کاش سن ده بوردا اولايدين . آما سن بوردا اولا ممازسان کی . سنين هله اولدوزلارلا . بولوت لارلا . پنجره لرله بيت مه ميش گئجه لرين وار . قاپينين قارشی سيندايام ايندی . دونوب جهانه باخيرام . جهان سنه بنزه يير . اليمی اوزوه چيکيب گولوره م . اسن قال . گوله گوله . ....
¤ نوشته شده در ساعت ٧:٠٥ ق.ظ توسط
دوشنبه ٢٧ امرداد ،۱۳۸٢
قيزيل باشين افسانه سی
- يوزونه باخيرام . دونده رير ايستی قيزاراميش يوزونو . گوز ياشينی سيلير . دوروب اونا ساری گديرم . دورور پنجره يه دوغرو گدير . آغاريبدی ساچلاری . اوتورام . گوزريم دولور . دييره م : منه ندن هيچ رامان دمدين ؟
- منه باخمادان ديير : ديه مز ديم قيزيل باش. هم سنی سويرديم و هم قارتالی !
- دييره م آخی ۴۰ ايل آز دگيل کی آی خانيم . باخ بو ايوده ۴۰ ايل برابر ياشاديق .
- جواب ورمير . پنجره دن اوزاق لارا دالير .
- قارتال منيم اوگی قارداشيم دی . قارتال دونن گئجه اولدی . قارتالی من جانيم کيمی سورديم . اما ايندی نه دوشونوم نه ايديم بيلميره م . بير عومور برابر ياشاديغيم آيلام بير آز قاباق منه دندی کی منيم ايکنجی اوغلوم ايلديريم قارتالين اوغلودی .
- اينانام ميرام که آيلام و قارتال بونو منه روا گورموش لر . گوزومون قاباغيندان ايلديرم گئچير . دميشديم افسانه مين ياريسينی ايلدريما وره جاغام . آما ايندی .
- آياغا قالخيب يريره م . يا اگر يپرم خان بويوک اوغلوم بونو بيلسه . هم آيلايا و هم منه و هم ايلدريرما نه در ؟ اولاماز . ايلدريمی اولدوره ر يپريم خان . افسانه می يانديرار يپريم خان . افسانه م يانسا گون باتار . افسانه م . بوتون واريم يوخوم افسانه م دير . قالمالی دير افسانه م . هنوز چوق چيچكلر گله جك قوش لار اوته جك . هی . جبلی قوم قوم .
- قارقالار پاديشاهينين يانينا گت مه لی يم . اوندان سورمالی يام .
- ـ هارايا ؟
- ديی ره م گديرم . قوجا قارقانين يانينا . نه دسه او اولاجاق .
- قوجا قارقا منه باخير و آتشينی يانديرير و ياواشجا ديير : قميش لر دويمودان قاباق آيلايی بوغ !
- ايچيره م . ايچيره م . ايچی ره م . آيلانی قارا داغدا بوغوب . يوغوب و قارتالی قيناييب و نفرين ادريره م . پپريم لا و ايلدريم قانادلاريمی يولوب منی يانديرلار . قميش لر پريسی ديير اگر منه سوزنو . سرينی ده سن جانيوی قورتار رام . گوزومو يوموب و گديرم قارتال و آيلايلا اوزاقلارداکی داغلار دا قار اولام ياغام !
¤ نوشته شده در ساعت ۱:٥٩ ب.ظ توسط
پنجشنبه ٩ امرداد ،۱۳۸٢
گولگه خانين افسانه سي
گولگه خانين افسانه سي
- بو دئديگيم تبريز بو داغلارين قوجاغينداکی تبريز ده گيل .
- بو تبريز چوق اوزاقدا ياشايان کولگه لرين تاپيل ديغی يرده اولان بير سويوق شهردير .
- اوجا اوجا دووارلاری لا و من او ديارين کولگه خان آدي اولان سلطانی ام .
- ۷۷۷ ياشيم وار منيم و هنوز ۴۰ قادين دان سونرا اوغلوم قيزيم يوقدور .
- آغلاميشام چوق کولگه لر تانريسينا . ايسته ميشم بير ايگت اوغلان و يا خانم قيز اوشاقيم اولماسينا . دوعالاريم . ايستک لريم اولور اولماميش اينده يه دک .
- وزيريم کی اوزی بير قوجا و قيرميزی اصلان لار کوکؤندن بير ايشيق دير منه سندن چوق دييب و خاطيرينی چوق سوميش يانيمدا .
- اونا گوره بو يازی نی سنه يازيرام و سندن امداد و يارديم ايستيرم کی يانيما گليب و منی سوينديره سن .
- ..
- بو قيزين آدی آغ گول دور . اونو بويوک قارقا خان توسطيله ۱۸ ياشينی اونا ينی ده ن دوندورموشوق و او ۱۰۰ ايل ۱۸ ياشيندا قالماقدادير . من اونلا بو گون ايشيق چادريندا گوروشمم . سويش مم واردير .
- اگر بورا گل سن منه بير نيشان گتير تا منيم كونلوم سوين سين . كونلومو تانيرسان . كونلومون آدی قيرمزی گوش دور . او تبريزين ان اسگی و ايشيق لی قوشلارين داندير . ..
- باغيشلا چوق يازاميرام آرتيق . گئتمم گره كير . آغ گول منی بير عمور گوزه لميش .
- بو يازينی بو قانادلی آتين دری سينه يازيب و سنه دوغرو گوندريره م . گل و منی گولودور ای ايشيق لاری دوستو .
- ...
- آغ گولون قارنی ايشيلداماقدادير . آغ گولون قيزی دوغولور و تبريزين قاری اری يير . بو قيزين آدی نه دير ايندی . من بيلميره م اونو آرتيق .
- من بو قيز دوغاركن آغ گولدن آيريليب و باشقا قوشلار شهرينده بير قادينين قارنيندا بارماقيمی اميرديم .
يازاری : ياشار احد صارمي
¤ نوشته شده در ساعت ۱۱:٤٢ ق.ظ توسط
یکشنبه ٢٩ تیر ،۱۳۸٢
گول چوهره ايله قارا اصلانين اويکوسو
يازار : ياشار احد صارمی
- قاپی نی آچمادی .
- ددی من سنی آرتيق سوميره م .
- نده ن سوروشدم .
- جواب ورمدی . چاره سيز دوندوم و انوه گلديم . آتام سوروشدی : نه اولدی ؟
- دئديم آرتيق منی سوميری .
- آتامسا گولمک ايسته دی اما گولن مدی . ياقين لاشيب . الينی چيگنمه قويوب دئدی : گت بيرده قاپی سينا .
- گتديم يوق دئدی دوندوم . گتيم يوق دئيدی دوندم .
- آتام دئدی سومير . بوراق . باشقاسينی بول تاپ .
- هی هی . ايندی هر کيم گلير اونو من سوميره م . سوم ميره م . قيزيم وار نوه م وار ايندی . اونون دا قيزی وار. کوره کنی وار . اما بيرگون سوروشدم بيله سيندن : سوديگنی تاپدين می ؟
- يوق دئدی .
- گولدوم . دئديم من تاپديم آما او منی سومدی .
- گولن مدی . آغالادی سانکی . دئدی خوش حالينا کی سنين سوديگين وار ان آزيندان . منيم کی ..
- هر گون اوزيله برابر آغاجلارين آلتيدا دولانيروق و دانيشيروق . اوزاق دان باقان لار ايل لرين ار آروادی سانيرلار بيزلری . قوی سانسين لار . هله اونا ساباحلاريم اوله جاغيم دئمه ميشم .
- ...
- يانيما گليب اتوروبدی ايندی . سانکی بير يتيم قيزدی . ياوشاجا سانکی اوز اوزونه ديير . بو سومديکلريمين ايچنده تکجه سنی سوه بيله رديم .
- گولورم . اوجا اوجا گولرم . قاچيرلار بوتون آداملار . اوغول لار قيز لار . اونو اوپوپ تازاشدان زامان دگيشی لير . قاپی نی دوگورم .
- اونون سسی دی . کيمسن ؟
- منم گول چوهره منم . سنی سوه ن قارا اصلان !
¤ نوشته شده در ساعت ٦:۳٤ ق.ظ توسط
دوشنبه ٢ دی ،۱۳۸۱
سؤن سؤزلر!
منی آت
و گت دوستوم
الينی
دوداقينی
قلبينی گوتور آل گت
قارانليق منه ديز چوکوب
روحوما باخ بير
ايزی وار او قارا دوداقلارين
دوکتور موکتوری دا اتور
اللريم تيتره يير
ايچيم دونور بو قيشلارين نفسيندن
چيگنين دن آت منی
سويوق لوق قلبيمه ديز چوکوب
اتوم چيرپينير سؤنور
گوزلريمده شبه وار
آت مني آت مني
قلبيوين گول لري
سولمادان آت مني دئديم
دوكتور موكتوري دا اتور
اروميه ۱۳۷۰ـ۱۰ـ۳۰
¤ نوشته شده در ساعت ٩:٥٠ ق.ظ توسط
دوشنبه ٢ دی ،۱۳۸۱
بئله بئله !
واي دييره م
قاران ليق بو گئجه ده
چيراق لار هاردا قاليب لار
هاردا ياغيش يا قارآلتيندا تيت رهييرلر ايندي
واي دييره م
شهرده بير ايشيق يانمير
دوداقلاريم قورور بيردن
هاني سو سسي
هاني بير داملا
هاني بير اوزاق ايلقيم ؟
سن هادا قالدين هي ؟
نيه بئله بئله من قورخورام
نيه بئله بئله من دوشوره م
نيه بئله بئله من باخا قاليرام ؟
هاني اولدوزلار؟
هانكي اوغرو بو قارانليقدا او نلاري چالميش ؟
بو يوخو دگيل گوزلريمه داراشان
بو قارا بويلو اولومدور
هي اؤ لن منم بوردا آركاداش
اؤلن منم
هوراند ۱۳۷۰ـ ۷ـ ۱۷
¤ نوشته شده در ساعت ٩:۳٢ ق.ظ توسط
دوشنبه ٢ دی ،۱۳۸۱
اوياري !
بو قدر سايی دان سونرا
بو قدر گوندن سونرا
بو قدر آد دان سونرا
بو قدر سؤزدن سونرا
گل ده دووار اولما
داغ اولما
داش اولما
بيليرسن
من آخان سولارين دوستو يام
من دوزگدن چاي لارين هم كؤشني يم
من دنيزلرين فيشقيران سسي م
آشيب داشارم
سؤندورمه يانان كؤنول لري
من گونشي آتشيني دادانام
ديرك ديرك ايشيقلانديررام شهرلري
عشقيدن باشقا هيچ مشگي هوس ايلمه !
۱۳۷۰
دي آيي - تبريز
¤ نوشته شده در ساعت ٩:٢۱ ق.ظ توسط
